Mikilvæg stig sem Zaragoza tapaði heima

Jón Arnór Stefánsson og CAI Zaragoza töpuðu mikilvægum leik fyrr í dag þegar liðið lá 81-91 á heimavelli gegn Unicaja. Fyrir vikið setti Unicaja sem er í 4. sæti sex stig á milli sín og Zaragoza og ljóst að 4. sætið var sennilegast að renna Zaragoza úr greipum.

 

 

Jón Arnór gerði 11 stig í leiknum, gaf 5 stoðsendingar og tók 2 fráköst. Stigahæstur í liði Zaragoza var Michael Roll með 14 stig en Vladimir Stimac gerði 17 stig í liði Unicaja.

 

Zaragoza er enn í 6. sæti deildarinnar nú með 16 sigra og 12 tapleiki en allt um kring eru lið á sama ef ekki svipuðu reki og endanleg röðun og sæti í úrslitakeppninni engan veginn eitthvað sem liðsmenn Zaragoza geta gefið sér þessa dagana.