11:35
{mosimage}
(Bikarmeistarar Snæfells)
Boðið verður upp á körfuboltaveislu í Toyotahöllinni í Reykjanesbæ í dag þegar Meistarakeppni KKÍ fer fram. Í keppninni mætast bikar- og Íslandsmeistarar síðasta tímabils og fer kvennaleikurinn fram kl. 16.30 þar sem eigast við Íslandsmeistarar Keflavíkur og bikarmeistarar Grindavíkur. Karlaleikurinn hefst kl. 19.15 þar sem Íslandsmeistarar Keflavíkur taka á móti bikarmeisturum Snæfells.
KKÍ hefur frá árinu 1995 látið allan ágóða sem kemur inn af leikjunum renna til ákveðins málefnis / samtaka. Í ár varð BUGL, Barna og Unglingageðdeild Landspítalans fyrir valinu. Miðaverð fyrir 16 ára og eldri er kr. 1000, 6-15 ára 500 kr. og frítt er fyrir börn 5 ára og yngri.
Grindavík varð bikarmeistari í kvennaflokki á síðasta tímabili eftir sigur á Haukum í Laugardalshöll og þá urðu Snæfellingar bikarmeistarar eftir öruggan sigur á Fjölni. Keflavík varð Íslandsmeistari í bæði karla- og kvennaflokki en kvennaliðið skellti nýliðum KR 3-0 í úrslitaseríunni. Slíkt hið sama gerði karlaliðið er þeir lögðu Snæfell 3-0 í úrslitaseríunni.
Hér að neðan gefur að líta þau málefni sem hafa verið styrkt frá árinu 1995 í Meistarakeppni KKÍ:
Styrkþegar meistarakeppni KKÍ
1995 Samtök krabbameinssjúkra barna
1996 Jafningjafræðsla framhaldsskólanna
1997 Neistinn – styrktarfélag hjartveikra barna
1998 FSBU – foreldrafélag sykursjúkra barna
1999 LAUF – landssamtök áhugafólks um flogaveiki
2000 Samtök barna með tourett heilkenni
2001 PKU – Samtök foreldra barna með efnaskiptasjúkdóma
2002 Foreldrafélag geðsjúkra barna og unglinga
2003 Einstök börn
2004 MND-félagið
2005 Foreldrafélag barna með axlaklemmu
2006 Foreldra- og styrktarfélag heyrnardaufra
2007 SÁÁ-Stuðningur við börn alkóhólista
2008 BUGL
{mosimage}