Martin sagðist skulda íslensku þjóðinni afsökunarbeiðni ,,Biðst afsökunar og verð mættur í næsta leik”

Ísland mátti þola tap í sínum fyrsta leik gegn Ísrael í dag á lokamóti EuroBasket 2025, 83-71.

Leikurinn var sá fyrsti á mótinu hjá báðum liðum, en í riðil Íslands mætast seinna í dag lið Frakklands og Belgíu og svo mætir Pólland liði Slóveníu.

Hérna er meira um leikinn

Karfan spjallaði við Martin Hermannsson lykilleikmann Íslands eftir leik í Spodek höllinni, en hann var niðurlútur yfir frammistöðu sinni í leiknum og bað íslensku þjóðina afsökunar áður en hann lofaði því að verða mættur í næsta leik.