Martin Hermannsson og Alba Berlin lögðu Bamberg í þýsku úrvalsdeildinni í dag, 87-82.
Martin lék rúmar 32 mínútur í leiknum og skilaði á þeim 19 stigum, 3 fráköstum, 3 stoðsendingum og 4 stolnum boltum, en hann var næst framlagshæstur í liði Alba Berlin í leiknum.
Með sigrinum færist Berlínarliðið upp í 2. sæti deildarinnar þar sem þeir sitja með 12 sigra, fjórum sigrum fyrir neðan Bayern sem sitja í toppsætinu.
