Sara Björk Gunnarsdóttir knattspyrnuleikmaður Lyon og íslenska landsliðsins var í kvöld valin íþróttamaður ársins 2020. Tveir körfuknattleiksmenn voru á topp tíu lista yfir flest atkvæði. Martin Hermannsson, leikmaður Valencia, hafnaði annað árið í röð í öðru sætinu, en í fyrra var hann á eftir kraftlyftingamanninum Júlían Jóhannssyni. Þá var Tryggvi Snær Hlinason, leikmaður Casademont Zaragoza, í tíunda sæti kjörsins.
Kvennalið Skallagríms fékk einnig atkvæði, sem og þjálfari þess í flokkum þjálfari og lið ársins. Sem þjálfari ársins hafnaði Guðrún Ósk Ámundadóttir í sjötta sætinu og var Skallagrímsliðið í fimmta sæti sem lið ársins.
