Hvað ætli leikmenn setji á fóninn rétt fyrir leik?
Við fengum leikmann Snæfells, Maríu Björnsdóttur, til þess að ljóstra upp fyrir okkur hvaða lög það væru sem hlustað væri á til þess að koma sér í gírinn.
Snæfell fær Hauka í heimsókn kl. 19:15 í öðrum leik úrslitaeinvígis liðanna og er leikurinn í beinni útsendingu á Stöð 2 Sport.
María:
Borgin – Hjálmar
Einstök tilfinning sem fylgir því að koma sér í gírinn við þetta lag. Oftar en ekki er þetta komið aftur á fóninn þegar ég kem inn í sal heima og er að reima á mig skóna þökk sé Inga. Held að hann teipi best í takt við Hjálma.
Eyes Of A Cloud Catcher – Agent Fresco
Agent eru með skemmtilegan hraðan takt en um leið svo fallega melodíu.
How many mics – Fugees
Þetta lag hefur einhvern einstakan hráann takt og bassa sem kemur mér í góðan gír.
Hlið við hlið – Friðrik Dór
Veit ekki hvað ég get sagt mér til varnar, við Snæfellstelpurnar elskum þetta lag.
Hotline Bling – Drake
Kæruleysisleg endurtekning á sama bítinu en það er einhver taktur í þessu sem ég fíla. Ég hef reynt að ná danstöktum Drake inn í upphitunarrútínuna hjá okkur í vetur en ekki fengið miklar undirtektir…
Jump Hi – Lion babe
Þessu lagi kynntist ég fyrir snilldar morgunlagaleik hjá Gunnarsdætrum. Gott beat, hárið á Lion er ekki að skemma fyrir stemmingunni í laginu og svo peppar hún mann í að hoppa! Fullkomin blanda.
Partition – Beyoncé
Síðasta lag áður en ég labba inn í hús. Bassi og B getur ekki klikkað.
