Eftir fyrstu leiki riðilsins í Katowice í gær verður enginn leikur í Spodek höllinni í dag.
Öll sex lið riðilsins fá frídag, en á morgun mætir Ísland svo liði Belgíu, Frakkland og Slóvenía eigast við og heimamenn í Póllandi taka á móti Ísrael.
Næstu daga leikur Ísland svo ansi þétt. Gegn heimamönnum í Póllandi sunnudagskvöld, gegn Slóveníu á þriðjudag og svo er síðasti leikur riðlakeppninnar gegn Frakklandi komandi fimmtudag.
Margir spennandi leikir eru þó á dagskrá í dag í þeim riðlum sem leiknir eru í Tampere í Finnlandi og Limasol á Kýpur.
Hérna er hægt að sjá hvaða leikir eru í dag
Á dagskrá RÚV eru leikir í beinni útsendingu
Þýskaland Svíþjóð – kl. 10:20 – RÚV
Litháen Svartfjallaland – kl. 13:20 – RÚV
Portúgal Serbía – kl. 18:05 – RÚV2
