Magnús Þór Gunnarsson skytta Njarðvíkinga mun ekki leika með liðnu í kvöld gegn Snæfell vegna meiðsla. Magnús kenndi til eymsla eftir síðasta leik Njarðvíkinga gegn Keflavík á hné og óvíst er með framhaldið hjá honum.
"Það kemur í ljós á morgun hvað þetta er en þetta gæti verið liðþófi eða liðband í hnénu. Ég hef ekkert getað æft síðan síðasta leik en ég vona bara það besta. " sagði Magnús sem mun fara í myndatöku á hnénu á morgun.
