Maður leiksins í kvöld var án nokkurs vafa Jón Axel Guðmundsson sem skoraði 33 stig, tók 6 fráköst og stal 6 boltum af Keflvíkingum í sigri Grindvíkinga. Það hefur loðað við lið Grindavíkur að þegar Jón Axel spilar vel þá sigrar liðið leiki og nú hafa þeir tekið tvo í röð þar sem að Jón Axel hefur spilað mjög vel. Jón Axel þakkaði liðsheild sinna manna sigrinum í Keflavík og um eigin frammistöðu kvaðst hann ekkert hafa borðað neitt spes í morgunmat heldur fannst alltaf gaman að koma til Keflavíkur og spila.
