Formaður lyfjaráðs ÍSÍ, Skúli Skúlason var mættur í heimabæ sinn í gær til að fylgjast með sínu uppeldisfélagi og bróðir sínum í leiknum gegn Álftanesi í bikarkeppninni. Skúli var ekki aðeins mættur í skemmtiferð því eftir leik þá var að venju dregið af handahófi úr leikmönnum vinningsliðsins og uppúr pottinum komu helstu tröll þeirra Keflvíkinga. Gunnar Einarsson, Guðjón Skúlason, Sævar Sævarsson og Albert Óskarsson voru þeir sem látnir voru skila þvagprufu í þetta skiptið.
Heimasíðan telur ansi líklegt að þessi próf verði öll neikvæð en þó gæti Sævar Sævarsson verið eina spurningamerkið í þessum hóp enda maður í miklum vexti.
Mynd: Skúli stillti sér upp með köppunum fjórum sem skiluðu þvagi til hans eftir leik.
