Logi Gunnarsson gerði 18 stig í frönsku NM1 deildinni á laugardag þegar lið hans St. Etienne Case lá 91-76 á útivelli gegn Get Vosges. Logi var í byrjunarliðinu og lék í tæpar 33 mínútur í leiknum.
Logi setti niður 2 af 5 teigskotum sínum og var með fjóra þrista í sjö tilraunum. Þá setti Logi niður tvö víti og var með 2 stoðsendingar í leiknum. Sem stendur er St. Etienne í 12. sæti NM1 deildarinnar og leika næst þann 12. febrúar þegar liðið tekur á móti St. Chamond Basket sem er í 15. sæti deildarinnar.
