Þrír leikir fóru fram í sænsku úrvalsdeildinni í kvöld. Haukur Helgi Pálsson og liðsfélagar í LF Basket unnu stórsigur í Solnahallen og Sundsvall Dragons hafði betur í spennuslag gegn Boras Basket. Sigurinn var sá áttundi í röð hjá Sundsvall sem er langheitasta lið deildarinnar þessi dægrin en næsta lið á eftir þeim hefur aðeins unnið tvo leiki í röð.
Solna Vikings 84-101 LF Basket
Haukur Helgi gerði 17 stig, tók 5 fráköst og gaf 3 stoðsendingar í liði LF en stigahæstur gestanna var Alex Wesby með 19 stig. Sigurður Gunnar Þorsteinsson gerði 6 stig, tók 2 fráköst og gaf 3 stoðsendingar í liði Solna.
Sundsvall 95-93 Boras
Jakob Örn Sigurðarson gerði 18 stig og tók 3 fráköst í liði Sundsvall. Hlynur Bæringsson bætti við 10 stigum, 8 fráköstum og 2 stoðsendingum og þá var Ægir Þór Steinarson með 9 stig, 3 fráköst og 2 stolna bolta. Miðherjinn Ragnar Nathanaelsson var ekki með Sundsvall í kvöld en hann er að glíma við smávægileg nárameiðsli og sagði í eldsnöggu samtali við Karfan.is áðan að hann vonaðist til þess að vera orðinn heill heilsu næsta mánudag.
Staðan í sænsku deildinni
Grundserien
| Nr | Lag | M | V | F | P | PG/MP | PPM/MPPM | Hemma V/F | Borta V/F | Hemma PPM/MPPM | Borta PPM/MPPM | Senaste 5 | Senaste 10 | I rad | Hemma +/- i rad | Borta +/- i rad | JM |
|---|---|---|---|---|---|---|---|---|---|---|---|---|---|---|---|---|---|
| 1. | NOR | 14 | 10 | 4 | 20 | 1197/1121 | 85.5/80.1 | 6/1 | 4/3 | 85.6/76.4 | 85.4/83.7 | 3/2 | 7/3 | -1 | -1 | +1 | 3/0 |
| 2. | SUN | 14 | 10 | 4 | 20 | 1222/1155 | 87.3/82.5 | 5/3 | 5/1 | 86.6/87.4 | 88.2/76.0 | 5/0 | 8/2 | +8 | +5 | +4 | 3/1 |
| 3. | BOR | 13 | 10 | 3 | 20 | 1178/1044 | 90.6/80.3 | 5/1 | 5/2 | 89.5/77.2 | 91.6/83.0 | 4/1 | 7/3 | -1 | +2 | -1 | 2/1 |
|
- Auglýsing -
 |
