Í kvöld voru þrír leikir í Lengjubikar kvenna. Keflavíkurstúlkur völtuðu yfir KR 90:72 þar sem Pálína Gunnlaugsdóttir skellti niður 21 stigi fyrir Keflavík og Sara Hinriksdóttir setti 20 stig ásamt því að rífa 9 fráköst en hjá KR var það Björg Einarsdóttir sem var atkvæðamest með 18 stig.
Í Njarðvíkinni tókur meistararnir á móti Grindavík og þar fóru þær grænklæddu með 76:54 sigur af hólmi eftir að jafnræði hafði verið með liðunum fram að hálfleik. Lele Hardy heldur áfram þar sem frá var horfið á síðasta tímabili og skilaði línunni 19 stig, 25 fráköst, 8 stoðsendingar. Hjá Grindavík var fyrrum leikmaður Njarðvík Petrúnella Skúladóttir með 26 stig og 8 fráköst.
Það voru svo Haukastúlkur sem heimsóttu Hmarsstúlkur heim í blómabæinn og sóttu 90:57 sigur þar sem að Margrét Rósa Hálfdánardóttir skellti 20 stigum fyrir Hauka. Stigahæst hjá Hamar var Íris Ásgeirsdóttir með 15 stig.
Mynd: Úr leik Keflavíkur og KR í kvöld.
