Þessa dagana leikur undir 20 ára lið karla í A deild Evrópumótsins í Chemnitz í Þýskalandi. Mun þetta vera í annað skiptið í sögunni sem liðið leikur í efstu deild þessa aldursflokks, en liðið komst upp fyrir tveimur árum og hélt sér uppi síðasta sumar.
Ísland tapaði leik sínum í gær í 16 liða úrslitunum fyrir heimamönnum í Þýskalandi. Í dag kl. 18:15 leika þeir því við Úkraínu um sæti 9-16 á mótinu.
Allir leikir liðsins munu verða í beinni útsendingu, sem og verða fréttir af þeim bæði hér á Körfunni og á síðu Körfuknattleikssambandsins. Frekari upplýsingar er að finna um mótið hér.