06:00
{mosimage}
(Stólarnir hans Kidda Friðriks mæta í Bítlabæinn í kvöld)
Fjöldi leikja fer fram í kvöld og þá lýkur 10. umferðinni og þeirri næst síðustu á þessu ári í Iceland Express deild karla. Þrír leikir eru á dagskránni og hefjast þeir allir kl. 19:15. Í Keflavík verður mikil körfuboltaveisla þegar Kristinn Friðriksson snýr í heimabæinn með lærisveina sína í Tindastól. Gamlar kempur úr Keflavík verða mættar kl. 18:00 í Toyotahöllina og munu þar bregða á leik í hinum ýmsu keppnum gegn þeim sem voga sér út á parketið með þeim.
ÍR fær Þór Akureyri í heimsókn í Seljaskóla og þá mætast Breiðablik og Njarðvík í Smáranum.
Í 1. deild karla eru nokkrir leikir. Haukar fá KFÍ í heimsókn að Ásvöllum kl. 20:00. Nýliðarnir frá Flúðum fá hina nýliðana frá Laugarvatni í heimsókn kl. 19:15 og í Hveragerði tekur topplið Hamars á móti Val.
Einn leikur er í 1. deild kvenna þegar Ármann fær Skallagrím í heimsókn í Laugardalshöll kl. 19:15.
