06:00
{mosimage}
(Helga Einarsdóttir og félagar í KR taka á móti Grindavík í DHL-Höllinni í kvöld)
Einn leikur er á dagskrá í úrslitakeppni Iceland Express deildar kvenna í kvöld þegar KR og Grindavík mætast í sinni fyrstu viðureign kl. 19:15 í DHL-Höllinni í Vesturbænum. KR á heimaleikjaréttinn en þær enduðu í 3. sæti í A-riðli en Grindavík hafnaði í 2. sæti í B-riðli. Það lið sem fyrr vinnur tvo leiki kemst áfram í undanúrslit.
Hamar og Valur riðu á vaðið í gærkvöldi þar sem Hamarskonur komust í 1-0 með 72-63 sigri á Valskonum.
Síðast þegar KR og Grindavík mættust í DHL-Höllinni höfðu KR konur betur 68-56 og þá höfðu KR-ingar einnig betur í viðureign liðanna í Röstinni í Grindavík 63-73 í fyrstu umferð Íslandsmótsins.
