Í kvöld ræðst það hvort Haukar eða Grindavík muni leika til úrslita í Domino´s-deild kvenna gegn Snæfell. Oddaleikur Hauka og Grindavíkur fer fram í DB Schenkerhöllinni í Hafnarfirði og hefjast leikar kl. 19:15.
Grindvíkingar opnuðu einvígið 0-2 en Haukar hafa náð að jafna 2-2 og geta gert það sem þykir sérlega erfitt en það er að vinna seríu eftir að hafa lent 0-2 undir. Við gætum þá verið að horfa á að slíkur fáheyrður atburður gerist tvo daga í röð í úrslitakeppninni hjá okkur því í gær komst Skallagrímur í úrslit 1. deildar karla eftir að hafa lent 0-2 undir í undanúrslitum gegn Val en unnu svo þrjá leiki í röð og munu mæta Fjölni í úrslitum.
Tekst Haukum að leika sama leikinn í kvöld eða verða það Grindvíkingar sem komast í úrslit í fyrsta sinn síðan 2005?
Allir leikir dagsins
| 11-04-2016 18:30 | Unglingaflokkur karla | Keflavík ungl. fl. dr. | Skallagrímur ungl. fl. dr. | TM höllin | |
| 11-04-2016 19:15 | Unglingaflokkur kvenna | Breiðablik ungl. fl. st. | Fjölnir ungl. fl. st. | Smárinn | |
| 11-04-2016 19:15 | Úrvalsdeild kvenna | Haukar | Grindavík | Schenkerhöllin |
Mynd/ Axel Finnur
