Einn leikur fer fram í Domino´s-deild karla í kvöld en þá eigast við Njarðvík og Tindastóll í Síkinu á Sauðárkróki. Viðureign liðanna hefst kl. 19:15 en fresta varð þessum leik liðanna á dögunum vegna veðurs og færðar.
Njarðvíkingar eru í 6. sæti deildarinnar með 20 stig en Tindastólsmenn eru ekki langt undan með 16 stig í 7. sæti, sigur hjá Njarðvík kemur þeim upp í 4. sæti deildarinnar en Stólarnir geta með sigri saxað mun Njarðvíkinga niður í 2 stig í deildartöflunni.
Þá er einn leikur í 1. deild karla þegar ÍA tekur á móti Breiðablik á Vesturgötunni á Akranesi kl. 19:15. Um þýðingarmikinn leik fyrir bæði lið er að ræða þar sem Blikar hafa 12 stig í 7. sæti en ÍA 14 stig í 5. sæti deildarinnar svo bæði eru að berjast fyrir tilverurétti sínum í úrslitakeppni 1. deildar.
Allir leikir dagsins
| 11-02-2016 19:15 | Úrvalsdeild karla | Tindastóll | Njarðvík | Sauðárkrókur | |
| 11-02-2016 19:15 | 1. deild karla | ÍA | Breiðablik | Akranes – Vesturgata | |
| 11-02-2016 19:30 | Unglingaflokkur karla | Keflavík ungl. fl. dr. | Stjarnan b ungl. fl. dr. | TM höllin | |
| 11-02-2016 20:00 | Unglingaflokkur karla | Skallagrímur ungl. fl. dr. | Þór Þ./Reynir ungl. fl. dr. | Borgarnes |
