Fjöldi leikja fer fram í dag og í kvöld. Í Röstinni í Grindavík eigast við Íslandsmeistararnir og KR í sinni þriðju undanúrslitarimmu í Domino´s deild karla. Staðan í einvíginu er jöfn, 1-1. Þá mætast Valur og Þór Akureyri í oddaleik í undanúrslitum 1. deildar karla og mun Þór TV sýna beint frá leiknum á netinu.
Domino´s deild karla
19:15 Grindavík-KR leikur 3 (Staðan er 1-1)
Grindavík vann fyrsta leikinn í Röstinni en KR jafnaði í leik tvö. Vinna þarf þrjá leiki til að tryggja sér þátttökuréttinn í úrslitaeinvíginu.
1. deil karla
14:00: Valur – Þór Akureyri
(í beinni netútsendingu hjá Þór TV)
Það lið sem hefur sigur í Vodafonehöllinni í dag leikur til úrslita um laust sæti í Domino´s deildinni gegn Hamri sem vann Hött 2-0 í hinni undanúrslitarimmunni.
