06:00
{mosimage}
(Jakob Örn og KR-ingar mæta FSu í Iðu í kvöld)
Fimmta umferðin í Iceland Express deild karla hófst í gærkvöldi þar sem Grindvíkingar náðu toppsætinu með sigri á Þór Akureyri í Röstinni. Umferðinni lýkur í kvöld með þremur leikjum sem allir hefjast kl. 19:15.
KR heimsækir FSu í Iðu á Selfossi og getur með sigri þar jafnað Grindavík að nýju á toppi deildarinnar. Snæfell fær Íslandsmeistara Keflavíkur í heimsókn og nýliðar Breiðabliks fá ÍR í heimsókn í Smárann í Kópavogi.
Þá eru tveir leikir í unglingaflokki kvenna. Í Keflavík mætast heimakonur og Grindavík kl. 20:00 og KR fær Hauka í heimsókn kl. 19:30 í DHL-Höllina í Vesturbænum.
