10:56
{mosimage}
(Menntskælingar skella sér í Sandgerði í dag)
Í dag eru nokkrir leikir á dagskrá. Í 1. deild karla fá Hattarmenn Valsara í heimsókn á Egilsstaði og hefst leikurinn kl. 15:30. Eftir góða byrjun í deildinni hefur Valur tapað þremur af síðustu fjórum leikjum sínum, aðeins lagt Ármann/Þrótt að velli en tapað fyrir FSu, Breiðablik og KFÍ. Með sigri í dag geta Valsmenn jafnað Þór Þ. í 3. sæti deildarinnar. Valsmenn eru sem stendur í 4.-5. sæti með 8 stig ásamt Haukum. Höttur er búinn að tapa þremur leikjum í röð í 1. deildinni og unnu síðast 3. nóvember þegar Ísfirðingar heimsóttu þá. Höttur er í 6.-8. sæti með sex stig eins og Ármann og KFÍ. Leikurinn hefst kl. 15:30.
Menntaskólapiltarnir í FSu heimsækja Reynismenn í Sandgerði í dag kl. 17:00. Staða þessara liða er ólík í deildinni. Reynir með aðeins einn sigur í sjö tilraunum á meðan Selfyssingarnir eru í toppbaráttunni með sex sigra í sjö leikjum. Með sigri í dag styrkir FSu sig í 2. sæti deildarinnar og ná fjögurra stiga forystu á Þór Þ. Reynismenn hafa aðeins unnið botnlið Þróttar frá Vogum og þurfa nauðsynlega á stigum að halda ef þeir ætla að bjarga sér frá falli.
Einnig er leikið i 2. deild karla og svo er einn bikarleikur í 10. flokki kvenna.
Í Grindavík kl. 17:00 mætast B-lið Hauka og Grindavíkur.
Kl. 16:30 tekur B-lið Stjörnunar á móti kollegum sínum í ÍR.
Breiðablik-B fá Val-B í Smárann í dag kl. 16:00.
Í bikarkepnni 10. flokks kvenna mætast KR og Skallagrímur í DHL-höllinni kl. 16:00.
Mynd: [email protected]