Tveir leikir fóru fram í annarri umferð úrslitakeppni NBA deildarinnar í nótt.
Í þeim fyrri sigruðu Houston Rockets lið Utah Jazz. Sigurinn sá fjórði í einvíginu fyrir Rockets og fara þeir því áfram til úrslita Vesturstrandarinnar. Sem áður var það leikguðinn Chris Paul sem var að gera hlutina fyrir Rockets. Skoraði 41 stig, tók 7 fráköst og gaf 10 stoðsendingar í leiknum. Fyrir Jazz var nýliðinn Donovan Mitchell bestur. Skoraði 24 stig og gaf 9 stoðsendingar.
Í seinni leiknum lögðu meistarar Golden State Warriors lið New Orleans Pelicans. Sigurinn einnig sá fjórði fyrir Warriors og munu þeir því mæta Rockets í úrslitum deildarinnar. Stephen Curry bestur í liði meistranna með 28 stig, 7 fráköst og 8 stoðsendingar. Fyrir Pelicans var Anthony Davis bestur, skoraði 34 stig og tók 19 fráköst.
Ljóst er því að Houston Rockets og meistarar Golden State Warriors mætast í þessum úrslitum Vestursins, sem eru undanúrslit NBA deildarinnar í heild, en fyrsti leikur er komandi sunnudag.
Hér er Pocast Körfunnar sem fór vel yfir stöðu mála í úrslitakeppninni NBA deildarinnar
Úrslit næturinnar:
Utah Jazz 102 – 112 Houston Rockets
(Houston komnir áfram 4-1)
New Orleans Pelicans 104 – 113 Golden State Warriors
(Warriors komnir áfram 4-1)
Hérna er það helsta úr leikjunum: