Á dögunum varð það ljóst að það yrðu Njarðvík og Haukar sem myndu mætast í úrslitum Subway deildar kvenna. Í undanúrslitum höfðu Haukar lagt Íslandsmeistara Vals nokkuð örugglega 3-0 á meðan að Njarðvík vann deildarmeistara Fjölnis 3-1.
Nokkuð jafnræði var á með liðunum fjórum sem fóru í úrslitakeppni þessa árs í deildarkeppninni, en þó má segja að miðað við lokastöðu deildarinnar hafi niðurstaða undanúrslita komið nokkuð á óvart þar sem að Haukar enduðu í 3. sætinu og Njarðvík 4. sætinu.
Úrslitaeinvígið rúllar af stað annað kvöld í Ólafssal í Hafnarfirði, en það lið sem fyrr vinnur þrjá leiki verður Íslandsmeistari 2022.
Leikdagar úrslita Subway deildar kvenna:
19. apríl kl. 19:15 – Ólafssalur
22. apríl kl. 19:15 – Ljónagryfjan
25. apríl kl. 19:15 – Ólafssalur
28. apríl kl. 19:15 – Ljónagryfjan (ef þarf)
1. maí kl. 19:15 – Ólafssalur (ef þarf)
