Terry Leake Jr. mun leika með KR í kvöld þegar liðið heimsækir Stjörnuna í Ásgarð í Garðabæ. Fyrir skemmstu sagði KKD KR upp samningi sínum við Leake.
Á Facebook-síðu Körfuknattleiksdeildar KR segir:
„Í vikunni sagði kkd. KR upp samningi við Terry Leake. Nýr leikmaður er hins vegar ekki kominn til landsins og því mun Terry leika einn leik í viðbót með KR. Það er vitnisburður um gagnkvæma virðingu milli leikmannsins og félagsins og eins um hve mikið toppeintak sem Terry Leake er. Við treystum að stuðningsmenn KR klappi honum lof í lófa í kvöld.“
Mynd/ Leake sinnir sínum störfum með toppliði KR í kvöld þrátt fyrir að hafa verið látinn fara frá félaginu á dögunum.
