Laugdælir og Leiknir munu leika í 1. deild karla á næstu leiktíð en liðin mættust í dag í úrslitaleik 2. deildar karla. Svo fór að Laugdælir höfðu 84-76 sigur í leiknum.
Laugdælir stóðu sig frábærlega í vetur, unnu alla leiki sína, 16 í deildarkeppninni og svo fjóra um helgina í úrslitunum og það verður gaman að fylgjast með gengi þeirra á næstu leiktíð í 1. deild karla.
Hannes S. Jónsson, formaður KKÍ, afhenti Laugdælum verðlaun í mótslok.
Ljósmynd/ Frá leik Laugdæla og Árborgar fyrr á leiktíðinni
