12:00
{mosimage}
Óskar Þórðarson í leik gegn ÍA
Karfan.is fór á stúfana og kannaði hvernig landið liggur á Laugarvatni fyrir næsta vetur en Laugdælir unnu sér rétt til að leika í 1. deild karla að ári og einhver orðrómur hefur verið um að þeir muni ekki nýta sér þann rétt. Óskar Þórðarson þjálfari liðsins sagði í samtali við karfan.is að liðið ætlaði sér að leika í 1. deild og nú væri verið að skoða með leikmannamál.
Kanna hug þeirra leikmanna sem eru í skóla á Laugarvatni en hafa verið að spila annarsstaðar og eins að skoða hverjir eru á leið í skóla á Laugarvatni og hafa áhuga á að spila körfubolta. Eins og Óskar orðaði það, það eru allir velkomnir í Laugdæli sem eru tilbúnir að spila á þeirra forsendum en Laugdælir bjóða ekki mönnum upp á sérkjör fyrir að spila með þeim.
Þá staðfesti Óskar að hann myndi þjálfa liðið áfram.
Mynd: www.sunnlenska.is