Hamar/Þór hefur samið við Mariana Durán fyrir komandi tímabil í Bónus deild kvenna. Tilkynnir félagið þetta á samfélagsmiðlum fyrr í dag.
Mariana er reynslumikill leikstjórnandi sem kemur til Hamars/Þórs frá Grindavík, en þar skilaði hún 12 stigum, 7 fráköstum og 6 stoðsendingum að meðaltali í leik á síðasta tímabili. Þá hefur hún spilað með landsliði Venezuela í fjölda ára og félagsliðum m.a. á Ítalíu, Portúgal og víða í Suður-Ameríku.
