Nýliðar ÍA hafa samið við Josip Barnjak fyrir komandi leiktíð í Bónus deild karla.
Josip er 27 ára gamall bakvörður/framherji sem kemur til ÍA frá heimalandinu Króatíu, en þar hefur hann leikið allan sinn feril fyrir utan eitt tímabil í Ungverjalandi. Tímabilið 2021-2022 var Josip bæði stiga- og framlagshæsti leikmaðurinn í króatísku úrvalsdeildinni og fékk viðurkenningu sem varnarmaður ársins.
