Kristófer Acox lék í 24 mínútur og skoraði þrjú stig fyrir Furman háskólann síðastliðinn föstudag þegar liðið mætti North Greenville í æfingaleik. Furman leikur í 1. deild NCAA háskólaboltans í Bandaríkjunum og mun Kristófer fá tækifæri í vetur til að leika á móti ekki ómerkilegri skólum en t.d. Davidson.
Kristófer kom inn af bekknum gegn North Greenville en lék næstflestar mínútur allra í Furman þennan leikinn. Auk þess að gera þrjú stig í leiknum var hann með einn stolinn bolta og sjö fráköst.
Furman leikur í Southern Conference riðlinum í 1. deild NCAA boltans og þeirra fyrsti leikur í riðlinum fer fram næstkomandi föstudag, 8. nóvember, þegar Furman tekur á móti Sewanee University.
Mynd úr safni/ Heiða
