Hafnfirðingurinn Kristófer Breki Björgvinsson tók á dögunum þátt í Next Generation móti Adidas með liði ANG, en liðið rétt missti af því að vinna mótið í spennandi úrslitaleik gegn Real Madrid.
Að vera valinn í þetta verkefni var mikill heiður fyrir Kristófer Breka og íslenskan körfubolta en þarna eru leikmenn sem spila í Euroleague og í öllum bestu deildunum í Evrópu með sínum liðum.
Reynslan sem Kristófer Breki fékk úr þessari ferð og að hafa fengið að æfa og spila með bestu leikmönnum og gegn bestu liðunum i Evrópu mun vafalaust nýtast honum vel inní framtíðina og lokasprettinn í Subway deildinni.
