KR blæs til sérstaks styrktarleiks í Bónusdeild kvenna sunnudaginn 22. mars klukkan 19:15, þegar liðið tekur á móti Njarðvík í DHL-höllinni.
Leikurinn er tileinkaður Gigtarfélagi Íslands, en félagið vinnur ómetanlegt starf við að bæta lífsgæði gigtarsjúklinga og styðja við bakið á aðstandendum þeirra. Mikilvægt er að vekja athygli á því að gigtarsjúkdómar snerta fólk á öllum aldri og eru konur í miklum meirihluta þeirra sem glíma við þessi veikindi, eða um 75% sjúklinga. Með þessu framtaki vill kvennalið KR nýta vettvang íþróttanna til að efla samfélagslega umræðu og safna dýrmætum styrkjum sem renna óskiptir til starfsemi félagsins.
Til að hámarka stuðninginn hefur KR látið hanna sérstaka „Gigtarfélagið x KR“ góðgerðaboli sem seldir eru í takmörkuðu upplagi í vefverslun félagsins. Hvatt er til þess að stuðningsfólk og velunnarar tryggi sér þennan einstaka glaðning, enda rennur allur ágóði af bolasölunni sem og af miðasölu leiksins beint til Gigtarfélagsins. Þetta er kjörnum tækifæri fyrir körfuboltaáhugafólk að njóta spennandi leiks í Bónusdeildinni og láta gott af sér leiða í leiðinni. Hægt er að nálgast boli og miða á Stubb.is, en framlag hvers og eins skiptir máli í baráttunni fyrir bættri heilsu og auknum lífsgæðum gigtarfólks á Íslandi.
Kaupa bol í vefverslun KR hér: https://stubb.is/shop/kr/326
Miðasala á leikinn: https://stubb.is/events/oVKm7b
Hérna er viðburðurinn á Facebook
