KR jafnaði einvígið – Stórar bombur frá Sigrúnu vógu þungt

KR jafnaði í kvöld úrslitaeinvígið gegn Keflavík í Domino´s deild kvenna. Staðan í einvíginu er 1-1 eftir 75-65 sigur KR-inga. Sigrún Sjöfn Ámundadóttir setti niður tvo sterka þrista á mikilvægum tímapunkti í fjórða leikhluta og tryggði það að Keflavík komst ekki nærri. Sigrún var stigahæst í liði KR í kvöld með 19 stig og 5 fráköst en hjá Keflavík voru Jessica Jenkins báðar með 19 stig. Hér að neðan má nálgast textalýsingu úr leiknum.

 

 

 

KR: Sigrún Sjöfn Ámundadóttir 19/5 fráköst, Shannon McCallum 18/11 fráköst, Helga Einarsdóttir 15/7 fráköst/3 varin skot, Guðrún Gróa Þorsteinsdóttir 7/11 fráköst/9 stoðsendingar, Ína María Einarsdóttir 6, Björg Guðrún Einarsdóttir 5/5 fráköst/5 stoðsendingar, Rannveig Ólafsdóttir 3, Sara Mjöll Magnúsdóttir 2, Anna María Ævarsdóttir 0, Salvör Ísberg 0, Hrafnhildur Sif Sævarsdóttir 0, Hafrún Hálfdánardóttir 0.

 

Keflavík: Pálína Gunnlaugsdóttir 19/4 fráköst, Jessica Ann Jenkins 19, Sara Rún Hinriksdóttir 9/4 fráköst, Birna Ingibjörg Valgarðsdóttir 8, Ingunn Embla Kristínardóttir 8/4 fráköst, Bryndís Guðmundsdóttir 2/6 fráköst/5 stoðsendingar, Telma Lind Ásgeirsdóttir 0, Sandra Lind Þrastardóttir 0, Lovísa Falsdóttir 0, Elínora Guðlaug Einarsdóttir 0, Aníta Eva Viðarsdóttir 0, Ingibjörg Jakobsdóttir 0.

 

 

_____________________________________________________________________________________________

 

 

– LEIK LOKIÐ – KR hefur jafnað einvígið gegn Keflavík með 75-65 sigri í DHL Höllinni. Þriðji leikur liðanna fer fram í Keflavík.

 

– 33 sek eftir og T-villa dæmd á Keflvíkinga fyrir mótbárur við dómarana…KR er að jafna og staðan að verða 1-1 í einvíginu.

 

– Mínúta eftir og þetta er komið hjá KR…staðan 70-61 og Keflavík jafnar ekki úr þessu.

 

– 2.30mín og Sigrún Sjöfn með annan þrist fyrir KR! Borgarnesdaman er að fara langt með þetta fyrir KR, staðan orðin 70-59 og Sigrún búin að gera sex stig í röð fyrir röndóttar úr þristum…látið hana bara hafa boltann, sjóðheit!

 

– 67-59 Sigrún Sjöfn með risavaxinn þrist fyrir KR-inga, þessi var stór neðan úr vinstra horni og Sigrún svellköld.

 

– 64-59 og 3.30mín eftir…

 

– 62-56 og 5.20mín eftir af leiknum þegar Jessica setur stóran þrist fyrir Keflvíkinga og framundan æsispennandi lokasprettur.

 

– 62-53 og þrjár mínútur liðnar…Keflvíkingar taka leikhlé en leikurinn er að detta í smá lás, hver karfa þyngdar sinnar virði í gulli núna og fáir leikmenn að taka af skarið sóknarlega. Varnir beggja liða afar þéttar og nú fjölgar myndarlega í villunum en aðeins átta slíkar voru dæmdar allan fyrri hálfleikinn! 

 

– Hér var enda við verið að setja Íslandsmet í frasanum „dæma báðu megin“ – gott ef hann fékk ekki að fljúga um 17 sinnum á innan við mínútu. 

 

– Fjórði leikhluti hófst með Keflavíkurþrist en þar var Jessica Jenkins að verki og minnkaði muninn í 58-51 og Jessica komin með 14 stig í liði Keflavíkur.

 

 

 

– Staðan 58-48 eftir þriðja leikhluta. KR vann leikhlutann 16-11 en Keflavík beit vel frá sér síðustu mínúturnar. Vörn gestanna er aldrei betri en þegar orkuboltarnir Ingunn Embla og Pálína eru að stýra henni.

 

– 58-48 ingunn Embla minnkar muninn í 10 stig með þriggja stiga körfu fyrir gestina, Ingunn komin með 8 stig.

 

– Keflvíkingar hafa verið að pressa síðustu mínútur og falla niður í svæðisvörn eftir það. KR hefur ekki leyst það nægilega vel svo Keflvíkingar halda sig við þetta form og hefur tekist að naga niður forskotið, 55 sek eftir af þriðja.

 

– 56-45 og Keflvíkingar ná smá rispu sem Finnur Freyr ætlar að reyna að kæfa strax í fæðingu og tekur leikhlé fyrir KR-inga. 

 

– 56-41 McCallum með þrist fyrir KR yfir Keflavíkursvæðisvörnina. Gestirnir búnir að vera síðustu mínútur í svæðisvörn og reyna að hleypa leiknum svolítið upp á varnarendanum…enn þó sama hik og lánleysi í sóknum gestanna.

 

– 50-39…loks skoruðu gestirnir en það gerði Pálína eftir sóknarfrákast. Sigrún Sjöfn svaraði þessari Keflavíkurkörfu strax með þrist og staðan 53-39 fyrir KR.

 

– 50-37 Sigrún Sjöfn með fjögur stig í röð fyrir KR og fimm mínútur liðnar af seinni og gestirnir enn ekk búnir að skora! Vörn heimakvenna til fyrirmyndar og Keflvíkingar fremur hugmyndasnauðir í sínum sóknaraðgerðum.

 

– 46-37 Gróa með fjögur fyrstu stig KR í síðari hálfleik, þrjár og hálf liðin af þriðja og Keflvíkingar ekki enn búnir að skora! 48-37 og 6-0 byrjun KR enn í gangi…

 

– 44-37 Guðrún Gróa sker á hnútinn og skorar fyrstu stigin í síðari hálfleik eftir rúmlega tveggja mínútna leik. Keflvíkingar taka leikhlé enda stirðar og einhæfar í sókninni hér á upphafsmínútum síðari hálfleiks.

 

Þá er síðari hálfleikur hafinn…

 

 

KR: Tveggja 66,6% – þriggja 33,3% og víti 50%

Keflavík: Tveggja 46,1% – þriggja 35% og víti 57,1%

 

 

– Fyrri hálfleik lokið, KR leiðir 42-37. Helga Einarsdóttir er með 13 stig og 4 fráköst í liði KR og Shannon McCallum er með 11 stig. Hjá Keflavík er Jessica Jenkins með 11 stig og Pálína Gunnlaugsdóttir 10.

 

– 41-37 McCallum skorar fyrir KR en hún hefur haft frekar hægt um sig í þessum öðrum leikhluta.

 

– 35-32 Helga enn á ferðinni og búin að gera sex stig í röð fyrir KR sem eru á 7-0 „runni“

 

– 33-32 Helga með annað skot í Keflavíkurteignum sem vill niður og Keflvíkingar hafa ekki nægilegar gætur á henni. 3.20mín til hálfleiks.

 

– 31-32 Helga EInars skorar fyrir KR í Keflavíkurteignum og komin með 7 stig, fyrirliðinn úr Skagafirði er að finna sig vel í kvöld.

 

– 28-32 fyrir Keflavík og 5.45mín eftir af öðrum leikhluta, bæði lið enn að gerast sek um ríflega fjölda af byrjendamistökum.

 

– 28-31 fyrir Keflavík og 7.03 mín eftir af öðrum leikhluta þegar Finnur Freyr tekur leikhlé fyrir KR-inga. Keflvíkingar á góðu róli þessar fyrstu þrjár mínútur í öðrum leikhluta og búnar að skora 13 stig á aðeins þremur mínútum og heimakonur þurfa að stoppa í götin í vörninni. 

 

– 23-26 Ingunn Embla setur þrist en Ína María svarar í sömu mynt fyrir KR og 26-26, nú rignir að utan.

 

Leikhlutinn hefst með látum þar sem liðin skiptast á þriggja stiga körfum og eftir tæpa mínútu er staðan orðin 23-23.

 

 

 

– 20-18 og 3 sek eftir…KR-ingar brutu klaufalega af sér á Jessicu í þriggja stiga skoti, Jessica setti niður tvö af þremur vítum. Staðan 20-18 eftir fyrsta leikhluta.

 

– 20-16 Shannon með stökkskot í teignum fyrir KR þegar 17 sekúndur eru eftir af fyrsta leikhluta. 

 

– 16-16 Pálína með sinn annan þrist í leiknum og jafnar fyrir Keflavík.

 

– Ingunn Embla er komin inn í Keflavíkurliðið fyrir Söru Rún, Ingunn skartar enn forláta andlitsgrímu en hún nefbrotnaði á dögunum eins og kunnugt er.

 

– 14-11 og Björg Guðrún með þrist fyrir KR og búin að gera fimm stig í röð fyrir heimakonur, 2.40mín eftir af fyrsta. 

 

– 11-9 Björg Guðrún með gegnumbrot fyrir KR…liðin bæði nokkuð mistæk þennan fyrsta leikhluta og nýtingin fremur döpur og gæði leiksins mögulega fjarverandi þar sem virkilega hart er tekist á innanvallar.

 

– 9-5 fyrir KR, Helga Einars með tvö stig í eteignum fyrir KR. Heimakonur eru þessar fyrstu mínútur mun grimmari í frákastabaráttunni heldur en Keflvíkingar.

 

– Guðrún Gróa hefur góðar gætur á skyttunni Jessicu Jenkins í liði Keflavíkur.

 

– KR komst í 5-0 áður en Pálína gerði fyrstu stig Keflavíkur í leiknum og það úr þriggja stiga skoti og staðan 5-3 eftir þriggja mínútna leik.

 

 - Leikur hafinn og Shannon McCallum gerir fyrstu stig leiksins, 3-0.

 

KR: Björg Guðrún Einarsdóttir, Guðrún Gróa Þorsteinsdóttir, Sigrún Sjöfn Ámundadóttir, Helga Einarsdóttir og Shannon McCallum

Keflavík: Jessica Jenkins, Pálína Gunnlaugsdóttir, Sara Rún Hinriksdóttir, Birna Valgarðsdóttir og Bryndís Guðmundsdóttir.

 

Nú eru tvær mínútur í leik…Sigmundur Már Herbertsson og Jón Bender eru dómarar kvöldsins og leikurinn er í beinni útsendingu hjá Sport TV og að sjálfsögðu í beinni tölfræðilýsingu á KKÍ.is