KR hefur unnið átta af tíu síðustu deildarleikjum gegn Njarðvík

Í kvöld er heil umferð í Iceland Express deild karla þar sem Íslands- og bikarmeistarar KR mæta í Ljónagryfjuna í Njarðvík. Þessi tvö stórlið í íslenskum körfuknattleik hafa marga hildina háð og mættust fyrst í úrvalsdeild karla árið 1970. Á þessum tíma hafa liðin leikið 107 deildarleiki þar sem Njarðvíkingar hafa betur 57,9% sigurhlutfall en síðustu ár hafa KR-ingar verið með undirtökin í deildarviðureignum liðanna.

 

KR hefur unnið átta af síðustu tíu deildarviðureignum sínum gegn Njarðvík og unnið síðustu þrjár í röð með samtals 55 stiga mun, nú í fyrri umferðinni með 20 stiga mun 91-71 og í síðari deildarviðureign liðanna á síðasta tímabili vann KR með 23 stiga mun.

Njarðvík vann mikilvægan sigur á Haukum í síðustu umferð en KR mátti þola tap í miklum spennuslag gegn Snæfell. Það er von á miklum slag í Ljónagryfjunni í kvöld þar sem sigur hjá KR getur brúað enn frekar sögulegt bil á milli liðanna.

Leikir liðanna – alls 107
Njarðvíkursigrar  – 62
KRsigrar  – 45

Síðustu tíu leikir liðanna í úrvalsdeild

Tímabil Heima-Heiman – lokatölur – dagsetning       Heimavöllur

 

2006    Njarðvík-KR   87        84        19.1.2006        Njarðvík

2007    KR-Njarðvík   75        69        19.11.2006      KR-hús                       

2008    KR-Njarðvík   82        81        1.11.2007        KR-hús                       

2008    Njarðvík- KR  97        106      7.2.2008          Njarðvík                     

2009    KR-Njarðvík   103      48        17.11.2008      KR-hús                       

2009    Njarðvík-KR   93        115      27.2.2009        Njarðvík                     

2010    Njarðvík-KR   76        68        1.11.2009        Njarðvík                     

2010    KR-Njarðvík   89        77        8.2.2010          KR-hús                       

2011    KR-Njarðvík   92        69        12.11.2010      KR-hús                       

 

[email protected]