Tveir leikir fara fram í úrslitakeppni Domino´s deildar karla í kvöld. Deildarmeistarar KR geta með sigri á Snæfell tryggt sig inn í undanúrslitin og þá mætast Grindavík og Þór Þorlákshöfn í Röstinni en staðan þar er 1-1. Báðir leikirnir hefjast kl. 19:15.
KR leiðir einvígið 2-0 gegn Snæfell eftir tvo sannfærandi sigra í fyrstu leikjunum en eins og áður greinir er 1-1 hjá Grindavík og Þór sem hvort um sig hafa unnið heimaleik.
