Sex leikir fóru fram í lokaumferð fyrstu deildar karla í kvöld.
Með sigri gegn Ármanni í Laugardalshöll tryggði KR sig beint aftur upp í Subway deildina. Í öðru sætinu, einum sigurleik fyrir aftan, hafnaði ÍR, en þar sem aðeins eitt lið fer beint upp munu þeir þurfa fara í 8 liða úrslitakeppni deildarinnar sem hefst eftir páska.
KR hafði fallið úr úrvalsdeildinni síðasta vor eftir 67 ára samfleytta veru í deild þeirra bestu. Á þessu tímabili var það svo aldrei spurning hvort liðið færi upp. Unnu 20 leiki og töpuðu aðeins tveimur, en sigurganga þeirra eftir áramót telur 13 leiki í röð.
Úrslit kvöldsins er hægt að sjá hér fyrir neðan.
Úrslit kvöldsins
Fyrsta deild karla
Þór Akureyri 86 – 79 Skallagrímur
ÍR 94 – 72 Hrunamenn
ÍA 94 – 87 Selfoss
Ármann 61 – 90 KR
Snæfell 48 – 99 Sindri
Fjölnir 91 – 74 Þróttur
