Nú er korter í leik og eru þrír leikir á dagskránni í Domino´s deild karla. Karfan.is færir ykkur helstu tíðindin af leikmannahópum liðanna fyrir slagi kvöldsins.
Leikir kvöldsins í Domino´s deild karla, 19:15:
Njarðvík – KR
KFÍ – Haukar
Þór Þorlákshöfn – Valur
Njarðvík: Allir með sagði Einar Árni þjálfari nema Ragnar Helgi sem er meiddur.
KR: Allir með í hópi KR kvað Finnur Freyr þjálfari röndóttra.
Haukar: Haukar mæta fullmannaðir á Ísafjörð skv. Ívari Ásgrímssyni þjálfara Hauka.
KFÍ: Birgir Örn staðfesti að allir yrðu með í sínum röðum í kvöld sem þýðir að Ísfirðingar hafa endurheimt Mirko sem sat af sér síðasta leik gegn Grindavík vegna meiðsla.
Þór Þorlákshöfn: Baldur Þór og Mike Cook taka út leikbann. Benedikt þjálfari Þórs tjáði Karfan.is að Þorsteinn Már Ragnarsson væri meiddur en í ljósi aðstæðna myndi hann prófa að vera með í kvöld.
Valur: Gunnlaugur Elsuson, Benedikt Skúlason, Þorgrímur Björnsson og Kristinn Ólafsson allir meiddir. Hlynur Víkingsson verður ekki með í kvöld sökum veikinda og þá er óvíst hvort Guðni Heiðar Valentínusson verði með einnig vegna veikinda skv. Ágústi Björgvinssyni þjálfara Vals.
Staðan í deildinni
Nr. | Lið | U/T | Stig |
---|---|---|---|
1. | Keflavík | 16/1 | 32 |
2. | KR | 15/1 | 30 |
3. | Grindavík | 13/5 | 26 |
4. | Njarðvík | 11/5 | 22 |
5. | Haukar | 8/8 | 16 |
6. | Þór Þ. | 8/8 | 16 |
7. | Stjarnan | 7/10 | 14 |
8. | Snæfell | 7/10 | 14 |
9. | ÍR | 6/11 | 12 |
10. | Skallagrímur | 4/13 | 8 |
11. | KFÍ | 4/13 | 8 |
12. | Valur | 1/15 | 2 |
Mynd/ Mirko snýr aftur í hópinn hjá KFÍ í kvöld.