20:17
{mosimage}
Sjónvarpið fór nýlega af stað með nýjan íþróttaþátt, Sportið heitir hann og er á dagskrá á mánudögum. Þar er farið vítt og breitt um heim íþróttanna og m.a. sýnt úr leikjum í Iceland Express deildunum. Einnig hafa þeir heimsótt körfuknattleiksmenn utanvallar og spjallað við þá.
Í þættinum í gær heimsóttu þeir þá Justin Shouse og Anders Katholm sem leika með Snæfell og eru báðir kennarar í grunnskólanum í Stykkishólmi. Fyrir viku fóru þeir Sjónvarpsmenn svo með Val Ingimundarsyni á völlinn en það var í fyrsta skipti í 28 ár sem hann fer á leik án þess að vera leikmaður eða þjálfari.
Þættina má finna á heimasíðu RÚV.
