Í kvöld fer fram oddaviðureign Grindavíkur og Stjörnunnar í Domino´s deild karla. Staðan í einvíginu er 2-2 og leikið verður í Röstinni í kvöld. Eins og áður hefur komið fram er það nokkuð ljóst að færri munu komast að en vilja. Leikurinn hefst kl. 19:15.
Grindavík vann fyrsta leikinn í seríunni 108-84. Stjarnan jafnaði á heimavelli 1-1 með 93-56 sigri í Ásgarði. Stjörnumenn fóru svo í Röstina og komust í 2-1 með sterkum 89-101 sigri. Með bakið uppi við vegg héldu Grindavíkingar í Garðabæ og jöfnuðu einvígið 2-2 með 82-88 sigri svo oddaleikur kvöldsins ætti ekki að svíkja nokkurn mann.
Leikurinn verður í beinni útsendingu hjá Stöð 2 Sport og þá mun Karfan.is vera með beina textalýsingu frá leiknum og vitaskuld verður hægt að nálgast beina tölfræðilýsingu á leiknum hjá KKÍ.is.
Mynd/ [email protected]
