10:28
{mosimage}
Eins og komið hefur fram í öðrum miðlum um helgina hefur Justin Shouse endurnýjað samning sinn við Stjörnuna og mun því taka þátt í að verja bikartitilinn sem liðið vann í vetur.
Karfan.is heyrði í kappanum og spurði hvernig honum litist á næsta vetur í Garðabænum.
„Ég er gríðarlega spenntur fyrir næsta vetri, að fá tækifæri til að byggja ofan á þann árangur sem ég náði seinni hluta síðasta tímabils með Teiti og liðfélögum mínum. Við eigum unga og kraftmikla leikmenn sem geta vel látið að sér kveða í deildinni og vonandi varið bikarinn.“
Komu önnur lið til greina?
„Umboðsmaður minn, Sigurður Hjörleifsson, sá um þessi mál fyrir mig og þrátt fyrir áhuga annarra liða á Íslandi og einnig í Danmörku og Portúgal þá var Stjarnan það eina sem kom til greina. Það er ögrandi verkefni að toppa árangurinn sem við náðum seinni hluta seinasta vetrar“
Mynd: [email protected]
