Stjórn KKÍ hefur ákveðið að stækka úrslitakeppni Domino´s deildar karla frá og með næsta keppnistímabili 2013-14. Breytingin felur í sér að vinna þarf þrjá leiki í 8-liða úrslitum í stað tveggja eins og var áður.
Úrslitakeppni Domino´s deildar karla hefur undanfarin ár verið mikil skemmtun og ljóst er að þessi ákvörðun er rökrétt framhald á úrslitakeppni Domino´s deildar karla.
Er þetta fyrsta breytingin á úrslitakeppninni síðan 1996 þegar núverandi fyrirkomulagi var komið á en frá þessu er greint í fréttatilkynningu frá KKÍ í dag.
