"Sumu fólki er mjög umhugað um árangur barna sinna í íþróttum. Ég hef fengið nokkra reiða pabba til mín því barnið þeirra er ekki í A-liði. Hef líka fengið nokkra foreldra til mín sem spyrja hvort að barnið sitt hafi eitthvað að gera í vissum íþróttum og svo framvegis.
Árangur í íþróttum er svo afstæður. Þegar maður horfir yfir ferilinn sér maður að það sem stendur upp úr eru allir vinirnir sem maður hefur eignast í gegnum íþróttirnar. Fyrir mér er það árangur.
Íþróttaiðkun er algjör snilld upp á tengslanet og félagsþroska. Þannig að ekki velta því fyrir þér hvort barnið þitt sé í A, B, C eða D liði. Veltu því bara fyrir þér hvernig því gengur að aðlagast og tengjast hópnum. Veltu því fyrir þér hvort því líði vel.
Ef vel er að öllu staðið á barnið þitt eftir að eignast ótal vini í gegnum íþróttirnar, kynnast nýjum stöðum á landinu og fá ómetanlega hluti inn í bankahólfið í Reynslubankanum".
Mynd: [email protected]
