Álftanes vann Hrunamenn í kvöld í 1. deild karla, 114-91. Eftir leikinn er Álftanes í fjórða sæti í deildinni meðan Hrunamenn eru tveimur sætum á eftir þeim í því sjötta.
Karfan spjallaði við Kjartan Atla, leikmann Álftanes b, sem var kallaður upp í a-liðið vegna veikinda og sóttkvíar sumra leikmanna innan liðsins. Hann hitti ekki vel til að byrja með (klikkaði á fyrstu þremur skotum sínum) en fór síðan í gang og þá hlógu menn í stúkunni að sögn Kjartans. Hann átti ágætan leik og leist vel á liðsheildina í leiknum og var sáttur með sigurinn.
