Key Habits kynnir Markmiðanámskeið fyrir íþróttafólk

Key Habits hefur undanfarin misseri verið að ryðja sér til rúms í heilsueflingu einstaklinga og fyrirtækja hér  heima og erlendis. Eitt af námskeiðinum Key Habits heitir Heilsulæsi og Markmiðasetning og hefur slegið í gegn upp á síðkastið, og hefur Key Habits nú ákveðið að bjóða upp á námskeið sérstaklega ætlað íþróttafólki.

„Þetta er ekki ný nálgun þó hún sé mjög vanmetin,” segir Brynjar Karl leiðbeinandi á námskeiðinu. „Þegar fólk fær almennilega þjálfun í þessum fræðum áttar það sig strax á því að þetta er ekki bara það fyrsta sem að íþróttamaðurinn ætti að hafa á hreinu áður en lagt er af stað í undirbúning heldur líka það allra mikilvægasta. Ég er búinn að kenna þetta námskeið í 15 ár og er alveg sannfærður um það.”

 

„Mig hefur lengi langað að bjóða upp á svona þjálfun fyrir íþróttafólk þar sem reynsla mín og bakgrunnur er úr íþróttum. Síðustu ár hef ég unnið sem ráðgjafi í gæðastjórnun fyrir íþróttalið og þjálfara. Þar gengur öll mín vinna út á að hjálpa þjálfurum að hámarka afköst leikmanna á íþróttavellinum. Það eru því hæg heimatökin að vera með markmiðanámskeið fyrir íþróttafólk hér heima.”

 

„Þetta er t.d. lið í NBA, NFL, Ensku Úrvalsdeildinni í fótbolta og svo mörgum öðrum liðum í Háskólum í Bandaríkjunum og liðum í Evrópu í flestum íþróttagreinum. Hérna heima stofnuðum við Körfuboltaakademíu FSu sem var á þeim tíma fyrsta íþróttaakademían í íslenskum framhaldsskóla. Á þriðja ári FSu komumst við í úrvaldsdeild og á fjórða starfsári FSu komust 5 leikmenn á skólastyrk til Bandaríkjanna og má segja að það hafi verið að mestu hluta að þakka góðri markmiðavinnu.”

 

„Námskeiðið er 16 vikur. Íþróttafólki sækir nokkra fundi hjá okkur og á milli fundanna fá þau verkefni og fræðslumola senda í gegnum hugbúnað Key Habits sem nýtist þeim í markmiðavinnunni. Á námskeiðinu kennum við aðferð í markmiðavinnu, förum yfir hugmyndafræði markmiðavinnu fyrir íþróttamenn og kennum á markmiðaeiningu Key Habits. Ég er rosalega spenntur fyrir því að kýla þetta í gang. Það stendur ekki til að bjóða þetta aftur í bráð þannig að ég skora íþróttamenn að kynna sér þetta vel. Ég lofa því að það verður enginn svikinn af þessu námskeiðið.”