Selfoss hefur samið við Óðinn Frey Árnason fyrir komandi leiktíð í fyrstu deild karla. Staðfestir félagið þetta með færslu á samfélagsmiðlum.
Óðinn er 20 ára og að upplagi úr Hrunamönnum, en hann skipti yfir til Selfoss fyrir síðasta tímabil. Samkvæmt tilkynningu er mikil ánægja innan félagsins að Óðinn verði áfram með liðinu. Enn frekar kemur fram að þrátt fyrir ungan aldur hafi Óðinn leikið ansi marga leiki í meistaraflokki karla og að hann kemur með jafnaðargeð, þolinmæði og leikskilning inn í hópinn.
