Keflavík sigraði Tindastól, 83-73, í 4. leik 8 liða úrslitaeinvígis liðanna. Fyrir leikinn leiddi Keflavík einvígið með 2 sigrum gegn 1. Með sigrinum slógu þeir Tindastól því úr keppni þetta árið. Keflavík mætir næst KR í undanúrslitaeinvígi.
Stemmingin
Þvílík og önnur eins stemming sem var í TM Höllinni í Keflavík í kvöld. Ekki bara mættu stuðningmenn Keflavíkur, heldu var þar einnig mættur fjöldinn allur af stuðningsmönnum Tindastóls líka. Báðir hópar létu vel í sér heyra. Stuðningmenn Keflavíkur voru á fullu frá því það voru 30 mínútur í leik, alla leið, þangað til 20 mínútur eftir að honum lauk.
Geggjaður stuðningur og geggjaður sigur í kvöld! Henda rútu á þessa gæja á miðvikudaginn @KeflavikKarfa !! _x1f3c0__x1f3c0__x1f3c0_
— Ágúst Orrason (@AgustOrra) March 19, 2017
Verður gaman að fá þessa í heimsókn í DHL-höllina! #korfubolti #dominos365 https://t.co/tLVS2rVMd0
— Brynjar Bjornsson (@Brynjarthorb) March 24, 2017
Fyrir leik
Keflavík leiddi að sjálfsögðu 2-1 í einvíginu og því kjörið tækifæri fyrir þá að klára þetta í kvöld og komast hjá því að þurfa að keyra norður í Síkið sem er einn besti heimavöllur landsins. Mikið verið rætt og ritað um þennan síðasta leik í einvíginu, sem að Tindastóll gjörsigraði í fyrri hálfleik. Spurningin hvort að Stólarnir væru komnir með lykilinn að Keflavík, eftir tvo dapra leiki þar á undan.
Gangur leiks
Keflavík byrjaði leik kvöldsins mun betur. Ljóst var á þessum fyrstu mínútum að vandamál þeirra í síðasta leik höfðu þeir flest skilið eftir í Skagafirðinum. Voru 7 stigum yfir, 17-10 þegar að leikhlutinn var hálfnaður. Tindastóll gerði þó vel í að hleypa Keflavík ekki langt frá sér á þessum upphafsmínútum, en þagar að fyrsti leikhluti var á enda, voru þeir aðeins 3 stigum frá heimamönnum, 25-22.
Annar leikhlutin er svo jafn og spennandi. Þegar hann var um það bil hálfnaður er Keflavík 2 stigum yfir, 33-31. Þegar að liðin halda svo til búningsherbergja í hálfleik er sá munur 3 stig, 44-41. Það voru ungu leikmenn beggja liða sem voru atkvæðamestir í þessum fyrri hálfleik. Fyrir heimamenn var það Magnús Már Traustason með 16 stig og 3 fráköst, en fyrir gestina Viðar Ágústsson með 15 stig og 3 fráköst.
Í þriðja leikhlutanum heldur eltingaleikur liðanna svo áfram, Keflavík með forystuna, en Tindastóll alls ekki langt undan. Þegar að hlutinn er hálfnaður leiðir Keflavík með 5 stigum, 52-47. Undir lok leikhlutans ná þeir svo að slíta sig aðeins frá gestunum, en hlutinn endar með 9 stiga forystu heimamanna, 63-54.
Í byrjun fjórða leikhlutans lætur Keflavík svo kné fylgja kviði. Koma muninum í 14 stig um miðjan leikhlutann, 75-61. Svo undir lok leiks hægja þeir verulega á leiknum og sigla að lokum öruggum 10 stiga sigri í höfn, 83-73.
Þáttaskil
Þegar að fjórði leikhlutinn hefst eru heimamenn með 9 stiga forskot, 63-54. Þá fær leikmaður Tindastóls, Björgvin Hafþór Ríkharðsson slæma byltu, að sögn sjúkraþjálfara liðsins, líklega vægan heilahristing og tekur ekki frekari þátt í leiknum. Á sama tíma fær Pétur Rúnar Birgisson sína 4. villu. Þessi tvö atriði virtust vega ansi þungt fyrir Tindastól, því í kjölfarið misstu þeir Keflavík mest 14 stigum frammúr sér. Keflavík sýndi svo alla þá reynslu sem býr í liðinu það sem eftir lifði af leik. Stigu varla feilspor. Uppskáru að lokum sigur og miða í undanúrslitin.
Fáir menn?
Þegar að 6 leikmenn liðs Keflavíkur geta klárað seríu við jafn gott lið og Tindastóll sannarlega er, verður maður einfaldlega að hrósa því formi sem leikmenn liðsins eru í. Vissulega mátti sjá þreytumerki á leikmönnum liðsins undir lok þessa leiks, en ekkert sem ekki gæti talist eðlilegt. Til þess að taka einn út fyrir. Þá ætlum við hér með að efast að nokkur íþróttamaður á Íslandi sé í betra formi þessa dagana heldur en leikmaður Keflavíkur, Reggie Dupree. Spilaði fantavörn í leiknum, líkt og venjulega, en það sem meira er, undir lok leiksins leit kappinn út fyrir að vera rétt að byrja sóknarlega.
Vel Gert Kef city
— Valur Orri Valsson (@KingValur) March 24, 2017
Tölfræðin lýgur ekki
Keflavík vildi vinna þennan leik meira heldur en Tindastóll. Þeirri fullyrðingu til stuðnings er hægt að benda á hversu mörg fráköst liðin tóku. Keflavík hrifsaði 50 til sín í leik kvöldsins á móti aðeins 33 hjá Tindastól.
Varnarliðið Keflavík
Ef litið er á einvígið í heild, þá heimtaði vörn Keflavíkur það að Tindastóll tæki fullt af þriggja stiga skotum. Munurinn á síðasta leik (sem að Tindastóll vann) og þessum í kvöld (eða þeim sem Keflavík vann) var mikið til hvernig Tindastóll nýtti þessi skot. Í leik kvöldsins, þegar að Keflavík er að byrja að byggja upp forskot sitt, þá er það varnarmegin sem að það gerist hjá þeim. Í nokkur skipti í þriðja leikhlutanum bæði rennur skotklukka Tindastóls út eða þeir taka eitthvað neyðarskot þegar að hún er að renna út.
Ég er með sturlað körfubolta-crush á Magnúsi Má og Amin Stevens, þvílíkir leikmenn _x1f64f__x1f3fc_
— Ásta Dagmar (@astadagmar) March 24, 2017
Hetjan
Líkt og í fyrsta leik liðanna kom hetja leiksins úr óvæntri átt. Þetta mun þó vera í síðasta skipti sem hægt er að segja sem svo, því eftir þennan leik í kvöld fara áhorfendur væntanlega að gera ráð fyrir því að leikmaður Keflavíkur, Magnús Már Traustason, skili því framlagi sem þarf þegar að liðið hans kallar eftir því. Á 38 mínútum spiluðum í leik kvöldsins skoraði Magnús 27 stig (70% skotnýting) og tók 5 fráköst.
Umfjöllun, myndir, viðtöl / Davíð Eldur
Viðtöl:
