22:06
{mosimage}
(Barist í teignum í leik Keflavíkur og Njarðvíkur)
Eins og við var að búast höfðu Keflvíkingar auðveldan sigur á stöllum sínum úr Njarðvík í 16 liða úrslitum Lýsingarbikarsins í kvennaflokki. Lokatölur leiksins voru 113-46 Keflavík í vil en leikurinn fór fram í Sláturhúsinu í Keflavík.
Þær Rannveig Kristín Randversdóttir og Margrét Kara Sturludóttir, fyrrum leikmenn Njarðvíkur, voru atkvæðamestar í Keflavíkurliðinu í kvöld. Rannveig gerði 18 stig en Kara setti niður 17 stig. Allir leikmenn Keflavíkur komust á blað í leiknum. Hjá Njarðvík var Ína Einarsdóttir með 9 stig.
Keflvíkingar eru því komnir í 8 liða úrslit Lýsingarbikarsins en 16 liða úrslitunum lýkur á morgun.
Þá lágu Þórsarar á heimavelli gegn Snæfell í karlaflokki. Lokatölur leiksins voru 74-106 Snæfellingum í vil sem eru fyrir vikið komnir áfram inn í 8 liða úrslit Lýsingarbikars karla. Staðan í leikhléi hjá Þór og Snæfell var 35-52 Snæfellingum í vil sem létu forystuna aldrei af hendi.
Mynd: www.vf.is – Þorgils Jónsson, [email protected]
