Haukamaðurinn Kári Jónsson var valinn íþróttamaður vikunnar í Drexel háskólanum eftir frábæra frammistöðu hans með körfuboltaliði skólans í vikunni. Hann hlaut titilinn ásamt sundkonunni Alexa Kutch.
Kári setti persónulegt met í háskólaboltanum sigri Drexel á laugardaginn er hann var með 25 stig. Kári sem er nýliði hjá drekunum hitti úr sjö af tólf þriggja stiga skotum sínum í leiknum. Drexel hefur nú leikið átta leiki og unnið fjóra af þeim. Kári er þriðji stigahæsti leikmaður liðsins að meðaltali með 11 stig í leik. Einnig er hann helsta skytta liðsins en hann er með 47,8% nýtingu fyrir aftan þriggja stiga línuna (22/46).
Kári og félagar mæta Saint Joseph skólanum á sunnudaginn og verður gaman að sjá okkar mann halda uppteknum hætti. Allar sex þriggja stiga körfurnar hans má sjá á myndbandi hér að neðan:
Here's all seven of Kari Jonsson's triples in our W at High Point on Saturday. A very deserving @DrexelSOE Athlete of the Week indeed! pic.twitter.com/MZLCX8Y4QU
— Drexel Dragons MBB (@DrexelMBB) December 6, 2016
Mynd / Drexeldragons.com
