14:00
{mosimage}
(Jovan í leik með Stjörnunni gegn Grindavík á síðustu leiktíð)
Þeir Justin Shouse og Jovan Zdravevski sömdu nýverið við körfuknattleiksdeild Stjörnunnar til tveggja ára og verða því í eldlínunni á næstu leiktíð með Stjörnunni í Iceland Express deildinni. Jovan kom til liðs við Stjörnuna á miðri síðustu leiktíð en Justin kemur úr herbúðum Snæfellinga og hefur getið sér gott orð sem leikstjórnandi hérlendis.
Þá er það einnig ljóst að Bragi Hinrik Magnússon verður áfram þjálfari Garðabæjarliðsins en hann er á síðara ári tveggja ára samnings sem hann gerði við félagið.
Mynd: Þorsteinn G. Kristjánsson
