Jón Arnór Stefánsson gerði 12 stig í gær þegar CB Granda mátti sætta sig við naumt 74-80 tap á heimavelli í spænsku ACB deildinni gegn Assignia Manresa. Með tapinu í gær datt Granada niður í átjánda og neðsta sæti deildarinnar.
Jón var í byrjunarliðinu og lék í tæpar 33 mínútur í leiknum en stigahæstur var Koby Carl með 15 stig í liði Granada. Uros Slokar var svo atkvæðamestur í liði Manresa með 23 stig og 10 fráköst.
