Jón Axel Guðmundsson og Fraport Skyliners lögðu Hamborg Towers í kvöld í úrvalsdeildinni í Þýskalandi 96-89. Eftir leikinn eru Skyliners í 12. sæti deildarinnar með 13 sigra og 21 tap það sem af er tímabili.
Jón Axel Guðmundsson var að vanda atkvæðamikill í liði Fraport og var þar á meðal stigahæstur með 24 stig. Við það bætti hann 4 fráköstum og 4 stoðsendingum á tæpum 25 mínútum. Þá var skotnýting hans afar góð eða nærri 60% í öllum leiknum.
Jón átti einnig frábær tilþrif undir lok þriðja leikhluta þegar hann lauk leikhlutanum með flautukörfu, nánast frá miðju. Myndband af tilþrifunum má finna hér að neðan.
Q3 | 73:62 – Logo Jon
— FRAPORT SKYLINERS (@skyliners1999) May 9, 2021
_
Alle Spiele der easyCredit BBL live bei MagentaSport pic.twitter.com/nqSdeUYSOE
